Mirësevini në Proton Med Albania!

Protoni është një grimcë sub atomike, me një ngarkesë elektrike pozitive, e pranishme në bërthamën e një atomi. Fillimisht u emërtua nga Ernest Rutherford në 1920, duke përdorur një fjalë greke që përkthehet “e para“. Numri i protoneve në bërthamën e një atomi përcakton numrin e tij atomik, duke i dhënë çdo elementi karakteristikat me të cilat mund të përcaktohet dhe identifikohet. Protonet tentojnë të lëvizin nëpër materie me shpejtësi të lartë, por ngadalësojnë kur tërhiqen nga grimca me ngarkesë të kundërt, në mënyrë që të formojnë lidhje. Këto lidhje formojnë atomin.

Ngjashëm me emrin tonë sub atomik, të gjithë ne në Proton Med Albania identifikohemi me karakteristikat e një protoni: mbartim një “ngarkesë pozitive“ në mentalitet, synojmë të ripërcaktojmë mënyrën e biznesit në sektorin tonë, na pëlqen të lëvizim me shpejtësi të lartë dhe fleksibilitet falë strukturës së koorporatës tonë, por jemi gjithashtu të gatshëm “të ngadalësojmë“ për të bashkëpunuar me partnerët tanë, me të cilët ndajmë të njëjtat vlera. Dhe… sigurisht gjithmonë përpiqemi të jemi “të parët“ në fushën tonë.